Последно ажурирање февруари 15th, 2018 2:24 PM
Актуелно
- Општина Охрид објави конкурс за подобрување на квалификациите на невработените лица
- Две години крадел пари од соселаните кои биле наменети за црква
- ВМРО-ДПМНЕ: Додека граѓаните осиромашуваат и економијата тоне, власта на СДСМ се пресметува со политичките неистомисленици
- Пецаков: Епилогот од владеењето на СДСМ е неодговорност, непотизам и вработување под партиски клуч
- ВМРО-ДПМНЕ бара итно да се повлече Националната годишна програма на министерството за култура и да се донесе нова, правична и објективна
Случај „Алипашина џамија“: Работна група заклучи дека министерот нема основа да ги запре работите
Министерството за култура на Република Македонија формираше комисија од стручни лица, која ги испитува сите околности во однос на реконструкцијата на Алипашината џамија. По повод одржаната прес-конференција, Министерството го испрати следново соопштение кое го пренесуваме во целост:
Работната група дојде до заклучок дека министерот за култура нема основа да ги запре работите, но ги охрабруваме сите надлежни институции да постапуваат доколку имаат индиции за прекршување на законските процедури.
Работната група препорача, а Министерството ќе достави барање до УНЕСКО за стручно мислење – дали е во склад со стандардите за заштита на градот да се реконструира објектот во такви димензии.
Министерството за култура нема ништо против обновувањето и заштитата на културното наследство, вклучувајќи ги тука и верските објекти, но сакаме тоа да се спроведува во законска процедура, почитувајќи ги сите прописи и постапки што се однесуваат на заштитување на објекти со историско значење.
Би сакале да потсетиме дека слободата на вероисповед е загарантирана со Уставот на РМ, а дека заштитата на културното наследство, вклучувајќи ги историските верски објекти без оглед на религијата на која и припаѓаат, е наш врвен приоритет. Ние повеќе би сакале да ја гледаме културата и културното наследство како наше заедничко богатство кое не зближува.
