Последно ажурирање февруари 15th, 2018 2:24 PM
Актуелно
- Општина Охрид објави конкурс за подобрување на квалификациите на невработените лица
- Две години крадел пари од соселаните кои биле наменети за црква
- ВМРО-ДПМНЕ: Додека граѓаните осиромашуваат и економијата тоне, власта на СДСМ се пресметува со политичките неистомисленици
- Пецаков: Епилогот од владеењето на СДСМ е неодговорност, непотизам и вработување под партиски клуч
- ВМРО-ДПМНЕ бара итно да се повлече Националната годишна програма на министерството за култура и да се донесе нова, правична и објективна
Управата за заштита на културното наследство подготви програма за ,,Европската година на културното наследство 2018“
Во просториите на ЕУ Инфо центарот во Скопје, утре ( 31 јануари) со почеток во 10 часот, Управата за културно наследство ќе ја презентира програмата за одбележување на „Европската година на културното наследство 2018“.
Управата за заштита на културното наследство, орган во состав на Министерството за култура на Република Македонија, изготви Годишна програма за одбележување на Европската година на културното наследство 2018, која ќе биде презентирана пред стручната и пошироката јавност.
-Со Одлука на Европскиот парламент и Советот на Европската Унија, 2018 година беше прогласена за Европска година на културното наследство. Целта на оваа Европска иницијатива е да го промовира значењето на Европското културно наследство и да ја зајакне свеста за заедничката европска историја и вредности. Предвидените активности и проекти на земјите – членки на Европската Унија во рамките на оваа иницијатива, ќе опфатат неколку теми со посебно внимание на вклученоста на населението од најразлична возраст во зачувување на културното наследство, одржливоста на културното наследство во процесот на транзиција и во туризмот, зачувување на културното наследство, со акцент на зачувување на културното наследство во опасност и иновација во насока на подобрени вештини на професионалците од областа на заштитата на културното наследство, како и на сите оние кои се вклучени во неговото зачувување и презентација, велат од Управата за културно наследство.
Иако Република Македонија сè уште не е полноправна членка на Европската Унија, сепак Управата за заштита на културното наследство го препозна значењето на дадените рамковни теми на Годината, кои се блиски до нејзините заложби и изготви Програма под слоганот „Нашето наследство – Европска вредност“ и мотото „Кон споделена одговорност за заштитата на културното наследство“. Во рамките на оваа Програма во текот на 2018 година, Управата ќе организира серија активности и настани за едукација, заштита и популаризација за нашето материјално и нематеријално културно наследство коишто ќе бидат презентирани на овој настан.
